الحلم ولـّع بقلبي شمعتين وطفن !!!!

يانَبرة الحـزن مالـك بالحناجـر كِفـن
متى على الله يجي يوم أدفنِـك وأستريـح
من سَبعة شهور وعيون السَهَر مـا غفـن
يمنى العطا وش جزاها بالزمان الشحيـح
الحلـم ولّـع بقلبـي شمعتيـن وطـفـن
بين إبتسامـة مُكابِـر واللتفاتـة جريـح
تغيّر البحر والمرسـى وضاعـت سفـن
وصدر الفضا يمترح ضيقه .. لو إنه فسيح
سيّرت الأقدام في درب الوصـال وحفـن
كـنّ الليالـي لعثـرات الأمـل تستبيـح
أعطيت و أوفيت لين إن الظروف كشفـن
فرق النوايا وفرق المصطنـع والصحيـح
ياصاحبـي لا تقـول إن الليالـي صفـن
البحر يصحيْ سكونه كلمـا هَـبّ ريـح
حاول تعالج جـروح ٍ باقيـه مـا شفـن
إن جتّ كذا صح .. والا جعلها في قريـح
والا انت غالي او أيـام السعـاده جفـن
ما اهتز قدرك ولو تميت عمـري جريـح
ياضيقة الصدر طعنـات المفـارق كفـن
متى على الله يجي يوم ادفنـك واستريـح

روووعه الله يعطيك

العافيه على الطرح

الرااائع